Për të nëntin vit radhazi, Librazhdi mirëpriti “Panairin e Mjaltit”, aktivitet i cili synon promovimin e prodhimeve bio të zonës.
Dhjetëra biznese nga fshatrat e Njësive Administrative ekspozuan produktet e tyre në pedonalen e qytetit, duke promovuar prodhimet bio të zonës.
Ndryshimet klimatike, temperaturat e larta dhe mungesa e bimësisë si pasojë e lënies djerrë të tokave kanë ndikuar në prodhimtarinë e bletëve.
Bletërritësit thonë se këtë vit prodhimi i mjaltit ka qenë ndjeshëm më i ulët.
Një tjetër shqetësim për bletërritësit është konkurrenca e pandershme në treg, ndërsa një problem afatgjatë mbetet mungesa e të rinjve që duan të vazhdojnë këtë zanat.
Në territorin e Bashkisë së Librazhdit operojnë rreth 200 bletërritës të regjistruar, me mbi 6500 koshere.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
