Ministria e Shëndetësisë me anë të një njoftimi për mediat bën me dije se të gjithë nxënësit e helmuar në Fier kanë lënë spitalin. Sipas ministrisë, të gjithë nxënësit e gjimnazit “Janaq Kilica”, tashmë janë në gjendje të mirë shëndetësore.
NJOFTIMI I PLOTË
Ngjarja në Fier, dalin nga spitali të gjithë nxënësit. Pak minuta më parë ka lënë spitalin edhe nxënësit e fundit që po mbaheshin në observim në spitalin rajonal të Fierit, si pasojë e intoksikimit në ngjarjen e ndodhur në shkollën “Janaq Kilica”. Pasi kanë marrë trajtimin e duhur mjekësor, të gjithë nxënësit kanë lënë spitalin. Gjatë ditës së sotme, spitali rajonal i Fierit trajtoi rreth 60 nxënës me shenja të intoksikimit dhe neuroza paniku. Sipas mjekëve, gjendja e tyre shëndetësore paraqitet e mirë.
Një helmim masiv është përsëritur sot në shkollën e mesme të Përgjithshme “Janaq Kilica” në qytetin e Fierit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
