Aktivistja shqiptare në Itali Fjoralba Duma duke folur në “Mcn Informacion” për emigrimin e shqiptarëve theksoi që sot njerëzit nuk po ikin më për bukën e gojës, por për mundësi. Ajo vuri në dukje se po shtohet emigrimi i profesionistëve dhe për një sistem shëndetësor më të mirë.
“Emigrimi i shqiptarëve pas vitit 2000, ishim emigrantë ekonomikë, jo për shkak të luftës, apo çështjeve më serioze që konsiderohen sot. Prindërit e mi nuk shikonin mundësi të barabarta dhe meritokraci në Shqipëri. Ajo që vihet re sot është që s’iket më për bukën e gojës, por për mundësi. Sot po ikin gjithnjë e më shumë profesionistë. Një tjetër arsye që flitet pak është arsyeja shëndetësore. Familjet janë kaq të pashpresa sa përdorin fëmijët për emigrimin. Duke u vështirësuar azili, do çojë te kjo rrugë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
