Skenar i përsëritur. Është publikuar në rrjetet sociale provimi i maturës shtetërore, këtë herë ai i matematikës.
Ndonëse përdorimi i telefonit gjatë zhvillimit të provimeve të maturës është i ndalur, sërish duket se është e vështirë që kjo të zbatohet kudo.
Sikurse edhe në provimin e Gjuhë Letërsisë, edhe në provimin e Matematikës nxënësit kanë shpërndarë në internet foto të tezës së provimit.
Denoncimi është bërë nga faqja "Studentët Denoncojnë" në Facebook, të cilët kanë publikuar edhe fotot e tezës së provimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
