“Konsumoni vodka”, Presidenti bjellorus infektohet me Covid-19

Presidenti bjellorus, Aleksandër Lukashenko ka njoftuar se është prekur nga Covid-19 dhe se e ka marrë veten shumë shpejt.

Lukashenko, i cili sundon në Bjellorusi prej 25 vjetësh dhe që konsiderohet si “diktatori i fundit në Europë” është shprehur kundra masave izoluese si një mënyrë për parandalimin e koronavirusit.

Frikën që të gjithë popujt kanë ndjerë ndaj virusit, ai e ka quajtur vetëm një psikozë.

Gjithashtu, në deklaratat e tij publike, Lukashenko ka sugjeruar që njerëzit të konsumojnë vodka e të shkojnë në sauna për të qenë të shëndetëshëm.

Presidenti bjellorus është kritikuar shpesh për abuzim mbi të drejtat e njeriut, kryesisht për sulmet ndaj aktivistëve të shoqërisë civile dhe ndaj mediave të pavarura.

Bjellorusia është i vetmi shtet europian që praktikon ende dënimin me vdekje.