Në kuadër të Tetorit Rozë, muajit ndërkombëtar të ndërgjegjësimit ndaj kancerit të gjirit, ryeministri Edi Rama ka përcjellë një thirrje publike për gratë dhe vajzat në të gjithë vendin, duke i ftuar të kryejnë kontrolle parandaluese.
Përmes një postimi në rrjetet sociale, Rama theksoi rëndësinë e mamografisë si një mjet jetik për zbulimin e hershëm të kancerit të gjirit, duke rikujtuar se kjo shërbim ofrohet falas në të gjitha poliklinikat dhe spitalet rajonale në Shqipëri.
Mirëmëngjes dhe me thirrjen e përvitshme në çdo TetorRozë për të gjitha gratë dhe vajzat që të marrin fare pak kohë për t’u kujdesur për veten, duke bërë mamografinë falas në rrjetin e poliklinikave dhe spitaleve rajonale në vend, ju uroj një muaj të mbarë.
Fushata e Tetorit Rozë synon të rrisë ndërgjegjësimin për parandalimin dhe diagnostikimin e hershëm të kancerit të gjirit, një ndër sëmundjet më të përhapura tek gratë në mbarë botën.
Autoritetet shëndetësore dhe institucionet publike vijojnë të inkurajojnë çdo grua që të mos e neglizhojë shëndetin dhe të përfitojë nga shërbimet falas të ofruara në këtë muaj sensibilizues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
