Shfaqja e murtajës te bagëtitë në disa zona të Shqipërisë ka vënë në lëvizje institucionet përgjegjëse në Qarkun e Lezhës.
Autoriteti Kombëtar i Veterinarisë, në bashkëpunim me Policinë e Shtetit, ka ngritur pika kontrolli në akset kryesore rrugore, si masë parandaluese për të frenuar përhapjen e sëmundjes.
Njëkohësisht, po ushtrohen kontrolle të imtësishme në të gjitha fermat e zonës së Zadrimës.
Fermerëve u është kërkuar të shmangin lëvizjen e bagëtive, si edhe frekuentimin e pazarit të Milotit deri në një njoftim të dytë.
Në Qarkun e Lezhës janë kryer analiza për disa raste të dyshuara, por rezultatet kanë dalë negative dhe deri tani nuk është konfirmuar asnjë vatër e murtajës.
Megjithatë, autoritetet veterinare bëjnë me dije se vigjilenca mbetet në nivel maksimal për të parandaluar çdo përhapje të mundshme të sëmundjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
