Një avion me mbi 100 pasagjerë në bord të premten është rrëzuar në qytetin e Karaçit në jug të Pakistanit.
Televizioni kombëtar raportoi se avioni pakistanez Airbus A-320 kishte rënë në një zonë banimi.
“Avioni u rrëzua në Karaçi. Ne jemi duke u munduar të mësojmë numrin e saktë të viktimave, fillimisht na është bërë me dije se 99 pasagjerë dhe tetë anëtarë të ekuipazhit kanë humbur jetën”, tha Abdul Sattar Khokhar, zëdhënësi i Autoritetit të Aviacionit Civil.
Avioni ishte nisur nga Lahore për në aeroportin ndërkombëtar Jinnah, një nga aeroportet më të ngarkuar të Pakistanit.
Ngjarja u shënua disa ditë pasi Pakistani lejoi fluturimet tregtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
