Përplasjet u rikthyen sërish këtë pasdite në Velipojë me mbërritjen e policisë dhe IKMT në zonë për të ndërhyrë.
Prishja objekteve u pezullua për disa orë pas ndërhyrjes së kryebashkiakes Ademi, që i kërkoi IKMT të sigurojë urdhër ekzekutimi për të prishur lokalet afër rërës.
Por aksioni i nisur pasdite hasi sërish në rezistencën e banorëve që janë përplasur me policinë.
Kjo e fundit ka hedhur ndaj tyre gaz lotsjellës për t'i shpërndarë. Pati edhe shoqërime nga policia.
Përkundër kësaj fadroma vazhdoi e pashqetësuar duke shembur një nga objektet që kishte planifikuar.
"Komunista, a ju vjen zor," ishin thirrjet e pronarëve të objekteve.
Fadroma më pas u zhvendos te një subjekt i dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
