Zef Vladaj, kryetar i Misionit të Pajtimit Mbarëkombëtar, thotë se situata e krijuar në Theth nuk ka ardhur papritur. Në një lidhje Skype me MCN Informacion, ai tha se banorët e Thehti kanë 34 vjet që kërkojnë legalizimin e tokave të tyre, por shteti nuk u është përgjigjur.
Ne kemi thënë që kullat i kemi mbrojtur me gjak. Përsa u përket shtëpive, tash 500 vjet, qëkur turku e pushtoi Shqipërinë, ne morëm malet. Kur këto toka janë 500-vjecare e për to kemi paguar taksa e kemi derdhur gjak, e më pas në regjimin e Enver Hoxhës kemi paguar taksa për këto prona. Si ka mundësi të na marrin taksat pa pasur pronë. Ku i kemi pronat? Pse ato nuk funksionojnë sot? Ne kemi kërkuar legalizim. Tash 34 vjet, shteti nuk e ka bërë këtë gjë.
Unë jam 86 vjeç. Kur më ftoni ju, bëhem 20. Sa i përket pronave, nuk kemi asnjë mosmarrëveshje me njëri-tjetrin. I kemi të ndara prej 500 vitesh. Unë jam i pari që kam kërkuar legalizim. Pa e pasur pronën tënde është e metë. Edhe shteti nuk do të ishte marrë me këto që po merret nëse do të kishte legalizim. Jo se nuk duhet zbatuar ligji, por të shkatërrosh është gjynah.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
