Drejtori i përgjithshëm, Tedros Adhanom Ghebreyesus është shprehur se pandemia e koronavirusit është urgjenca më e rëndë globale me të cilën është përballur Organizata Botërore e Shëndetit.
“Vetëm me respektimin e rreptë të masave shëndetësore, duke filluar me mbajtjen e maskave dhe me veçimin shoqëror, bota do ta mundë atë. Aty ku ndiqen këto masa, numri i rasteve me Covid ulët. Aty ku s’respektohen këto masa, rastet rriten”, tha Tedros gjatë një konference virtuale në Gjenevë.
Ndër të tjera, ai përgëzoi për punën e bërë Kanadanë, Kinën, Gjermaninë dhe Korenë e Jugut në lidhje me kontrollin ndaj epidemisë.
Kurse kreu i programit të urgjencave në OBSH, Mike Ryan theksoi se është nevoja që kombet
në të gjithë botën të vazhdojnë me implementimin e masave kufizuese si dhe të distancës fizike.
“Ajo që është e qartë është se presioni ndaj virusit ul numrat e të infektuarve”, tha Ryan.
Ndërsa Tedros theksoi se përparësi mbetet shpëtimi i jetëve njerëzore.
“Ne duhet të bllokojmë transmetimin, por në të njëjtën kohë duhet të identifikojmë grupet e cenueshme dhe të shpëtojmë jetë njerëzore, duke mbajtur nivelet e vdekjeve nëse është e mundur në zero, nëse jo në minimum,” tha ai, duke përgëzuar Japoninë dhe Australinë në këtë drejtim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
