Blogerja Sonila Cota Khan në një lidhje skype në ‘Zgjohu me MCN’ ka rrëfyer për historinë e saj kohën kur ajo u zhvendos nga Shqipëria në Amerikë.
Ajo tregon se ka mbaruar kohën për IT dhe gjatë kohës kur punonte është njohur dhe me bashkëshortin e saj, djalin nga Pakistani me të cilin sot është e martuar dhe janë prindër të dy fëmijëve.
Sonila shprehet se ka pasion të madh dhe për gatimin dhe se ushqimi ka qenë një nga urat lidhëse për të dhe bashkëshortin e saj.
Kam mbaruar shkollën e lartë për IT, mbarova para dy vitesh dhe u diplomova. Unë u largova në 2007 nga Shqipëria dhe ishte dëshira ime që e vogël të shkoja në Amerikë. Vitet e para ishin shumë të vështira kur kam ardhur këtu, çdo gjë është ndryshe nga ajo që ne parashikojmë. Jeta këtu është e vështirë dhe jo ajo që ne ëndërrojmë si një bahçe me lule.
Puna dhe gjuha nuk ishin problem, por mungesa e shoqërisë, komunikimi në shqip ishte ajo që ta bënte më të vështirë. Ke shumë mundësi për punë dhe përparim këtu, por kur largohesh ndjen më shumë mungesën e vendit tënd.
Fillimi ishte shumë i vështirë sepse jo vetëm gjuha dhe studimet, u futa në kolegj, punoja part-time kisha një jetë të angazhuar, pastaj u bëra nënë, pra ishte një kohë e vështirë por ja dola mbanë.
Oas ishte nga Pakistani e kam njohur në punë. Unë punoja aty si menaxhere dhe ai ishte shefi im. Ai është njeri i dashur, i çiltër, familjar dhe shumë i respektueshëm dhe ajo më tërhoqi më tepër tek ai. Gjithçka ka nisur përmes shoqërimit dhe njohjes me njeri tjetrin, mënyra ime e gatimit ka qenë ajo që e ka tërhequr më tepër tek unë, por dhe ai vetë gatuan shumë mirë.
Fillimisht më shumë i trembesha ndryshimit të kulturave, por ai i ka lënë mbresa shumë pozitive prindërve të mi dhe e pëlqyen atë dhe sot jemi prindër të dy fëmijëve të cilët e kanë bërë këtë lidhje dhe më të fortë dhe të shtrenjtë për ne.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
