Psikologia Brunilda Laboviti thotë se parandjenja është një koncept i njohur dhe nga shkenca dhe se është një koncept emocional që buron dhe nga ndërgjegjja jonë.
Duke folur për emisionin “Zgjohu me MCN”, Laboviti deklaroi se është e rëndësishme që parandjenjën të mos e bëjmë pjesë të përditshmërisë sonë.
Ka njerëz që nuk e nënvlerësojnë parandjenjën, pasi duket sikur stresohen për diçka që do të ndodhë. Parandjenjat janë diçka mes intuitës dhe parandalimit dhe duhet të konsiderohet dhe t’i japim një sens dhe në aspektin emocional.
Ka pasur njerëz që kanë parandjerë ngjarje të rrezikshme dhe këta njerëz e kanë më të vështirë ta rikuperojnë dhe vazhdojnë të fokusohen. Por e rëndësishme është që parandjenjën të mos e bëjmë pjesë të përditshmërisë sonë.
Patjetër është pjesë e rëndësishme, por nuk duhet të ketë ngecje. Nëse ndodh për një periudhë kohe të gjatë, duhet konsultuar me një mjek, psikolog dhe psikiatër, nëse zgjat gjatë. Por të gjithëve na ndodhin parandjenja mikse, jo vetëm negative, por edhe të bukura.
Nënat e kanë më të zhvilluar parandjenjën dhe kjo është e provuar shkencërisht, prej lidhjes nënë-fëmijë.
Ndonjëherë njerëzit nuk iu japin dot kuptim gjërave që ju ndodhin dhe ka nevojë të konsultohen kur nuk dallojnë dot parandjenjat, shfaqjen e imazheve dhe halucinacionet.
Nëse nuk është abuzive, parandjenja nuk është anormale. Ëndrra është gjithmonë burim nga e pandërgjegjshmja jonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
