Zona detare në Porto Romano, ku do të funksionojë edhe porti i ri i është nënshtruar një kontrolli të imtësishëm për mina, nga katër anije të NATO-s, që janë ankoruar tashmë në portin e Durrësit.
Bëhet fjalë për dy anije turke, një holandeze dhe një italiane.
Në operacionet e kryera për kontrollin e hapësirës detare kanë marrë pjesë edhe polumbarët e flotës sonë, krahas pajisjeve të teknologjisë së lartë ushtarake.
Raporti me gjetjet do t’i dorëzohet autoriteteve shqiptare, megjithatë paraprakisht mësohet se zona ka rezultuar e pastër.
Këto anijet luftarake prej më shumë se një muaji po kryejnë stërvitje në Mesdhe dhe po kontrollojnë hapësirat detare.
Pritet që katër anijet e NATO-s ta lënë portin e Durrësit në fillimin e javës që vjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
