Diell, rërë dhe plazh, por përpara se te laheni njihuni me cilësinë e ujërave…
Bazuar në raportin e Agjencia Europiane e Mjedisit për cilësinë e ujërave në 2016-ën, Il Sole ka publikuar hartën e cilësisë në plazhet e Mesdheut. Sipas hartës, Shqipëria ka numrin më të lartë të plazheve me cilësi të varfër në të gjithë Mesdheun duke marrë në konsideratë dhe vijën bregdetare.
Për të përshkruar cilësinë e ujërave, agjencia i ka ndarë në katër kategori: cilësi e shkëlqyer, cilësi e mirë, cilësi e mjaftueshme dhe cilësi e dobët.
Sipas të dhënave, janë 7 plazhe në qarkun e Durrësit ku cilësia e ujit është e varfër dhe 5 ku cilësia vlerësohet e mjaftueshme, 4 në qytetin e Vlorës dhe 2 në Sarandë. Ndërsa në Shkodër dhe Shëngjin, cilësia është më e mirë.
Vendi fqinj, Greqia nuk ka asnjë plazh, ku ujërat të jenë të varfër në cilësi, ndërsa me cilësi të mjaftueshme vlerësohet vetëm plazhi Palaiochori.
Sipas raportit vendet me cilësi më të mirë të ujërave në Mesdhe janë Qipro, Greqia, Kroacia dhe Malta.
Megjithatë, rreth 85% e plazheve të Mesdheut janë të një cilësie të shkëlqyer. / Monitor /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
