Për të xhiruar një video të cilën do ta postonte në Snapchat, një grua ra nga dritarja anësore e pasagjerit, ndërsa makina me të cilën po udhëtonte ishte në autostradën M25 në jug të Londrës.
Policia theksoi se ishte “një mrekulli nga lart” që gruaja shpëtoi pa u plagosur rëndë. Sipas tyre, ajo mund të ishte shtypur nga makinat e tjera që po udhëtonin me shpejtësi të madhe në atë autostradë.
Policia e Surrey në faqen e saj në Twitter, postoi një foto të dritares së hapur të makinës nga e cila gruaja u përkul për të humbur më pas ekuilibrin e saj, shoqëruar me hashtagun #pafjalë.
Një studim i botuar në Journal of Family Medicine dhe Primary Care pretendon se rreth 259 persona kanë ndërruar jetë pasi bënin selfie mes 2011 dhe 2017.
Shumica e viktimave janë shënuar në Indi, pasuar nga Rusia, Shtetet e Bashkuara të Amerikës dhe Pakistani.
Dy vajza javën e kaluar ndërruan jetë ndërsa përpiqeshin të bënin një selfie në majën e ujëvarave Salto Caveiras në Lages të Brazilit.
Viktimat janë 18-vjeçarja, Bruna Vellasques dhe 19-vjeçarja, Monique Medeiros.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
