Mjeku infeksionist, Tritan Kalo, jep detaje lidhur me dy rastet e para të të prekurve nga koronavirusi në Shqipëri. Gjatë komunikimit të Task Forcës me median, Kalo ka deklaruar se dy të infektuarit me COVID-19 janë duke marrë trajtimin e tyre në Spitalin Infektiv në QSUT. Kalo u shpreh se QSUT ka të gjitha kapacitetet dhe kushte të mira spitalore për të trajtuar persona me sëmundje të tillë.
“Dy rastet e diagnostikuara janë shtruar në Shërbimin e Sëmundjeve Infektive dhe po marrin trajtimin e duhur në përputhje me kërkesat e kësaj sëmundjeje dhe trajtimin përkatës. Ajo që është e rëndësishme është se në Shërbimin Infektiv janë marrë masat e duhura për përkujdesjen ndaj të sëmurëve të tillë. Ka dhoma të cilat kanë oksigjen, që kanë minimumin e pajisjeve të domosdoshme për të shmangur sa të jetë e mundur kontaminimin dhe përhapjen e infeksionit. Nuk janë dhoma hoteli, por janë dhoma spitali. Përshtatja e tyre dhe pajisja e tyre janë në përputhje me kushtet spitalore. Janë kushtet më të mira të mundshme, të cilat janë në përputhje me standartet botërore dhe trajtimin e të sëmurëve infektivë”, tha Trian Kalo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
