Dermatoza nodulare është rikthyer sërish te gjedhët. Rishfaqja e sëmundjes ka revoltuar fermerët e Elbasanit, të cilët thonë se vaksinat shpërndahen në mënyrë selektive. Ata thonë se gjedhët janë i vetmi burim të ardhurash për ta dhe kërkojnë ndihmën e autoriteteve të bujqësisë. Fermerët thonë se shkak i shfaqjes së sëmundjes është bërë mosvaksinimi në kohë, raporton “Ora”.
“Vaksina nuk u bë në kohë. Kur bëhet vaksina, lopën time e ka zënë sëmundja, duhet të ishin bërë tre muaj përpara që të mos i kapte kjo sëmundje. Vaksinat ngelën nëpër depo”, shprehet një fermer.
Ndërsa në Lezhë, drejtori i Bujqësisë thotë se dermatoza nodulare ka prekur ato kafshë, të cilat nuk janë vaksinuar, ndërsa pohon se çdo fermer i dëmtuar do të kompensohet nga Ministria e Bujqësisë.
Vatra të sëmundjes së gjedhit janë konstatuar për herë të parë dhe në zonat fushore të Fierit dhe Lushnjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
