Garda Revolucionare e Iranit njoftoi se kishin nisur me sukses satelitin e parë ushtarak të mërkurën, në një kohë tensionesh të reja me forcat amerikane në rajonin e Gjirit.
Shtetet e Bashkuara pretendojnë se programi satelitor i Iranit është thjeshtë një mbulim për zhvillimin e raketave, ndërsa republika islamike ka insistuar edhe më parë se aktivitetet e saj hapësinore janë në përputhje me rregullat ndërkombëtare.
Tensionet mes dy vendeve u përshkallëzuan javën e kaluar, pasi Departamenti i Mbrojtjes akuzoi anijet iraniane për provokim të anijeve të SHBA-së në rajonin e Gjirit.
Trupat e Gardës Revolucionare islamike e përshëndetën lëshimin e befasishëm të satelitit, duke e konsideruar atë si një “sukses të madh” për vendin.
“Sateliti i parë i Republikës Islamike të Iranit është lançuar me sukses në orbitë nga Trupat e Gardës Revolucionare Islamike”, thuhet në “Sepahnews”, uebfaqja e internetit të Gardës.
Njoftimi thekson se sateliti i quajtur “Nour” ishte nisur nga shkretëtira e Markazit, e cila është një hapësirë e gjerë në rrafshnaltën qendrore të Iranit.
“Hedhja me sukses e satelitit në hapësirë do të jetë një sukses i madh dhe një zhvillim i ri në studimin e hapësirës për shtetin e Iranit”, thuhet në faqen e internetit.
Ky operacion vjen pas një tentative tjetër të Iranit për të lëshuar një satelitë në orbitë, i cili dështoi dhe sipas autoriteteve, nuk ishte për qëllime ushtarake
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
