Studimet jashtë vendit, Beshello: Bursat janë të mjaftueshme, në Shqipëri janë qesharake

Erald Beshello, student, shpjegoi në studion e MCN Informacion  diferencën mes të studiuarit jashtë dhe të studiuarit në Shqipëri. 

Ajo që mund të them është se universitetet jashtë, krahasuar me ato në Shqipëri, qëndrojnë shumë më lart. Në Turqi p.sh. Stafi akademik ka diferenca. Edhe këtu ka pedagogë të mirë. Ka edhe lehtësira të tjera si bursat. Janë më të plota. Këtu bursat janë qesharake. Kartat e studentit kishin shumë lehtësira. Në shumicën e rasteve, edhe nëse nuk punoje, bursa ishte e mjaftueshme në ndryshim nga këtu në Shqipëri. 

Beshello tha se gjatë maturës në Shqipëri nuk ka marrë këshillimin e duhur për karrierën. 

Në lidhje me këshillimin e karrierës, në Shqipëri nuk kam pasur ndonjë qasje të personalizuar. Duhet t’i kushtohet më shumë vëmendje çdo maturanti duke u bazuar te talenti i tij dhe jo te nevojat e tregut të punës.