Agjencia Europiane e Mjekësisë (EMA) të enjten deklaroi se rekomandon përdorimin e antiviralit remdesivir për të trajtuar pacientët me Covid-19, të cilët janë mbi 12 vjeç dhe vuajnë nga pneumonia dhe kanë nevojë për terapi me oksigjen.
Miratimi me kusht jepet pa të dhënat e plota që zakonisht janë të detyrueshme, megjithatë të dhënat që janë në dispozicion dëshmojnë se përfitimet e medikamentit tejkalojnë rreziqet e tij të mundshme.
Agjencia thotë se studimet nuk treguan përmirësim të gjendjes në pacientët me simptoma mesatare, pasi ata që morën këtë mjekim u përmirësuan në të njëjtën kohë me ata që iu përdor efekti placebo.
EMA dhe Komisioni Europian do të vendosin brenda javës nëse do japin autorizimin e kushtëzuar për përdorimin e medikamentit.
Antivirali ka pasur ndikim pozitiv në rastet urgjente në SHBA dhe Britani, ndonëse përdorimi i tij ka qenë i limituar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
