Një pacient nga Puka i shtruar për disa ditë në spitalin rajonal të Shkodrës, është ndër tre personat e diagnostikuar me Covid-19 në qarkun e Shkodrës.
Pacientit i janë kryer dy herë analizat pasi simptomat që ka shfaqur, kanë detyruar mjekët t'ia dërgojnë analizat në Tiranë.
Për shkak se përgjigjia e parë nga Tirana ka rezultuar negative, personeli mjekësor i Spitalit Shkodër ka vijuar normalisht punën duke asistuar gjendjen e pacientit.
Por ditën e martë, gjendja shëndetësore e pacientit është rënduar dhe ai është dërguar me urgjencë në Spitalin Infektiv të Qendrës Spitalore në Tiranë ku i është nënshtruar një analize të dytë të tamponit dhe një ekzaminimi në skaner.
Përgjigja e dytë ka rezultuar pozitive për Covid-19 e për pasojë 10 mjekë dhe infermierë të spitalit të Shkodrës që kanë pasur direkt kontakt me pacientin, janë vetëkarantinuar. Pas marrjes së tamponit tashmë pritet përgjigjia e analizave nëse dhe ata janë infektuar nga koronavirusi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
