500 punëtorët shëndetësorë kosovarë që kanë marrë dozën e parë të vaksinës në Kukës më 20 dhe 21 mars, sot do të paraqiten ne sallën “1 Tetori” në Prishtinë për të injektuar dozën e dytë.
Të imunizuarit me AstraZeneca në Kukës, do të bëhen kosovarët e parë që do të “sigurohen” me dozën e dytë. Ata kësaj radhe do të vaksinohen me Pfizer.
Kreu i Federatës Sindikale të Shëndetësisë, Blerim Syla, ka njoftuar se vaksinimi i dytë për stafin mjekësor do fillojë nga ora 12:30, ndërsa do t`i mbrojë edhe nga versioni i ri indian i virusit.
Ndërkaq, sot pasdite pritet të arrijnë edhe 3500 doza të vaksinës anti-Covid të Pfizerit në Kosovë, si pjesë e ndihmës nga Bashkimi Evropian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
