Dita Ndërkombëtare e Gjuhëve të Shenjave, e cila shënohet më 23 shtator, është një mundësi e shkëlqyer për të mbështetur dhe promovuar identitetin gjuhësor dhe diversitetin kulturor të personave që nuk dëgjojnë, si dhe të përdoruesve të tjerë të gjuhës së shenjave.
Ky ditë është shpallur nga Asambleja e Përgjithshme e OKB-së me qëllimin për të rritur ndërgjegjësimin global për rëndësinë e gjuhës së shenjave, e cila është thelbësore për realizimin e plotë të të drejtave të njeriut për ata që nuk dëgjojnë.
Sipas Federatës Botërore të të Shurdhërve, ka më shumë se 70 milionë njerëz të shurdhër në mbarë botën. Më shumë se 80% e tyre jetojnë në vendet në zhvillim. Së bashku, ata përdorin më shumë se 300 gjuhë të ndryshme të shenjave.
Konventa për të Drejtat e Personave me Aftësi të Kufizuara njeh dhe promovon përdorimin e gjuhëve të shenjave.
Ajo bën të qartë se gjuhët e shenjave janë të barabarta në status me gjuhët e folura dhe detyron shtetet palë të lehtësojnë mësimin e gjuhës së shenjave dhe të promovojnë identitetin gjuhësor të komunitetit të Shurdhërve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
