Gjykata e Lartë në SHBA të premten mori në shqyrtim një mosmarrëveshje të re mbi tensionet midis të drejtave të LGBT dhe të drejtave fetare, duke rënë dakord të dëgjojë një kërkesë nga prindërit e nxënësve të shkollave fillore në Maryland, të cilët kundërshtuan librat e disponueshëm në klasa në lidhje me tranzicionin gjinor dhe marrëdhëniet e të njëjtit seks, raporton nbcnews.
Rasti ka të bëjë me një politikë të miratuar nga Bordet e Edukimit të Qarkut Montgomery në nëntor 2022, që kërkon që të futen libra të rinj që trajtojnë çështje LGBT, të cilët mund të lexohen në klasë.
Një libër i titulluar "Pride Puppy!" ka të bëjë me një qengj që humb gjatë një paradë për të drejtat e homoseksualëve.
Fillimisht, bordi kishte treguar se prindërit mund të zgjedhin të nxjerrin fëmijët e tyre nga ky kurikulum, por më vonë ndryshoi kursin.
Prindërit në një qark me popullsi të ndryshme demografike përfshirë myslimanë dhe krishterë ortodoksë lindorë, kundërshtuan, dhe disa prej tyre përfundimisht paditën, duke thënë se e drejta e tyre për të ushtruar besimet fetare në përputhje me Amendamentin e Parë të Kushtetutës, po shkelet.
Kërkuesit kryesorë në këtë rast janë Tamer Mahmoud dhe Enas Barakat, myslimanë që kanë një djalë në shkollën fillore. Padia tjetër erdhi nga anëtarë të kishave katolike dhe ortodokse ukrainase.
Ata nuk po sfidojnë vetë kurrikulën, por vetëm mungesën e një përjashtimi.
Një gjykatës federal dhe Gjykata e Apelit e Rrethit të 4-të të SHBA-ve, me bazë në Richmond, vendosën në favor të Bordit të Shkollës.
Vendimi i gjykatës së apelit, i cili ka vlerësuar se "prindërit praktikisht heqin dorë nga e drejta e tyre për të drejtuar edukimin fetar të fëmijëve të tyre duke i dërguar ata në shkolla publike, kundërshton shekuj të historisë dhe traditave tona," shkruanin avokatët e prindërve në dokumentet e gjykatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
