Drejtoria e Përgjithshme e Arsimit Parauniversitar dhe përfaqësues të kompanisë “Ecolog International” sot kanë nënshkruar kontratën e dhurimit të 500 pajisjeve digjitale, të cilat do të shpërndahen menjëherë tek nxënësit që vijnë nga familje në nevojë.
Lajmi është bërë i ditur nga ministrja e Arsimit, Sportit dhe Rinisë, Besa Shahini falenderoi donatorin.
“Jemi shumë falënderues për bujarinë që tregoi kompania Ecolog International, duke dhuruar 500 pajisje digjitale për nxënësit tanë. Ato u dorëzuan sot tek Drejtori i Përgjithshëm i Arsimit Parauniversitar, Selman Hodaj dhe po shpërndahen tek nxënësit. Faleminderit!”-thotë Shahini.
Nga data 9 mars të gjitha shkollat në vend u mbyllen në kuadër të masave parandaluese për përhapjen e COVID-19. Mësimi do vijojë të zhvillohet përmes platformave online, deri në fund të vitit shkollor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
