Saranda është kthyer në një nga destinacionet më të frekuentuara turistike gjatë fundjavës. Qyteti bregdetar është populluar nga turistë të huaj që zgjedhin të kalojnë ditët e pushimit pranë detit Jon, kryesisht në fundjavë.
Gazetarja Jonida Qirko, raportoi për “MCN Live” se janë turistë që zgjedhin të pushojnë për disa ditë, jo me javë.
Krahasuar me vitet e mëparshme Saranda duket se ka pësuar një ulje të numrit të turistëve dhe krahasuar me vitet e kaluara, kanë më pak popullim.
Çmimet kanë qenë konstante nuk kanë pësuar rritje krahasuar me vitet e mëparshme dhe janë pothuajse të njëjtat çmime si në Gjirokastër.
Turistët kanë vlerësuar dhe plazhet e pastra, çmimet ekonomike. Ndërkohë vlerësohet edhe mikpritja që bëhet nga sarandiotët.
Për mjetet lundruese gjendja duket e monitoruar, edhe për shkak të mos funksionimit me kapacitet të plotë të sezonit turistik deri më tani.
Ajo që vihet re këtë sezon, është prania e rojeve bregdetarë. Saranda ka problem jo vetëm me ujin, por dhe me ndotjet dhe parkingjet, të cilat vijojnë problematike edhe këtë sezon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
