Vrasja e trefishtë e grave ditën e djeshme në Tiranë që tronditi mbarë opinionin publik ka sjellë dhe reagimin e indinjatën e 46- vjeçarit, Edmond Hoxha në Fier.
I vetëm dhe me një pankartë në dorë, babai i një djali 20-vjeçar ka dalë në qendër të Fierit në formë proteste për këtë krim makabër.
‘Ku është burrëria kur ti vret një vajzë, motër, nënë’ shkruhet në pankartë ndërsa me lot në sy Edmondi tregon se vrasjet e grave janë jo vetëm dështim i shoqërisë, por dhe i një sërë mekanizmave që nuk kanë funksionuar në shtet.
Nuk është hera e parë që 46- vjeçari Hoxha proteston i vetëm për kauza të ndjeshme teksa për ngjarjen në fjalë shpreh keqardhjen që nuk i janë bashkuar dhe qytetarë të tjerë e veçanërisht femrat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
