Dy persona të dyshuar për terrorizëm janë arrestuar në aeroportin e London Stansted, pasi zbritën të dielën në darkë nga një avion i Ryanair, i cili fluturoi nga Vjena.
Ata janë një 34-vjeçar nga Kuvajti dhe një 48-vjeçar italian.
Avionët ushtarakë u detyruan të shoqërojnë avionin me pasagjer nga Austria për në Britaninë e Madhe, pas “kërcënimit të sigurisë”.
Sipas hetimeve fillestare disa objekte të dyshimta u gjetën në tualetet e avionit.
Një zëdhënës i Ryanair, deklaroi: Në përputhje me protokollin, kapiteni njoftoi autoritetet në Britaninë e Madhe dhe vazhdoi udhëtimin drejt aeroportit London Stansted, ku avioni u ul pa probleme.
Pasagjerët që u bllokuan në aeroportin London Stansted për të fluturuar drejt Vjenës u transferuan në një aeroplan rezervë me qëllimin për të shmangur vonesën në fluturimin e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
