Të vaksinuar me Pfizer, dy raste të dyshuara me Delta në Pogradec

Dy raste të tjera të dyshuara me variantin Delta të koronavirusit janë regjistruar ditën e sotme në Pogradec.

Bëhet fjalë për një familje në një fshat të Pogradecit. Ata janë kthyer pas në doganën e Kapshticës pasi kanë bërë Rapid Testin në palën greke.

Burimet theksojnë se rastet e dyshuara me variantin Delta kanë qenë të vaksinuar me 2 doza të Pfizer.

Është bërë karantinimi i personave të dyshuar dhe kontaktet e tyre dhe pritet përgjigja nga Ministria e Shëndetësisë.

Kujtojmë se prezenca e varianti Delta në vendin tonë u konfirmua gjatë të dielës, pas analizave nga spitali i Berlinit. Kampionet kanë qenë nga disa rajone, çka do të thotë se virusi kalon lirshëm.