Sot e gjithë bota shënon Ditën e Fëmijëve Prematurë, ditën e engjëjve të lindur para kohe!
Dita e parë ndërkombëtare e ndërgjegjësimit për lindjen e parakohshme më 17 nëntor u krijua nga organizatat prindërore evropiane në vitin 2008. Ajo festohet si Dita Botërore e lindjeve të Parakohshme që nga viti 2011.
Në botë, 1 në 10 fëmijë lind para kohe. Sipas Organizatës Botërore të Shëndetësisë, çdo vit në shkallë globale lindin para kohe rreth 15 milionë foshnja.
Me rritjen e numrit të fëmijëve prematurë, përmirësohet edhe mundësia e tyre për të mbijetuar. Një fëmijë quhet prematurë nëse lind para javës së 37-të të shtatzënisë dhe me një peshë më të vogël se 2500 gr.
Ndër shkaqet më të shpeshta të lindjes prematurë janë: stili i jetesës së nënës, një patologji e mundshme e shtatzënisë (hipertensioni, patologjitë ushqimore, infeksionet), raca e nënës, pesha trupore, niveli socio-ekonomik, ushqyerja, duhanpirja, shtatzënia binjake, keqformimet uterine, patologjitë e placentës, vuajtja fetale, vonesa në rritjen e fetusit, anomalitë fetale etj.
Shënimi i kësaj dite është një hap i rëndësishëm drejt përmirësimit të jetës së foshnjave të lindura para kohe dhe familjeve të tyre, duke u ofruar atyre shpresë dhe mbështetje në rrugëtimin drejt zhvillimit, rritjes dhe mirëqenies së shëndetshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
