Presidenti i SHBA-së, Donald Trump kërcënoi Indinë nëse kjo e fundit ndalon plotësisht eksportin e hidroksilklorinës. Ky ilaç përdoret kundër malarjes në Indi, por Trump e konsideron “dhuratë nga Zoti” në luftën kundër koronavirusit.
Megjithatë, me shtimin e rasteve të infektimit në Indi, qeveria ka vendosur të mos shesë ilaçin për vendet e tjera, por kjo nuk u prit aspak mirë për Shtëpinë e Bardhë.
“Unë fola me të (Kryeministrin indian Narendra Modi) të dielën në mëngjes, i thashë se do e vlerësonim nëse do të lejonin eksportin për furnizimin tonë me hidroksilklorinë. Por nëse ai nuk e lejon, dakord, por sigurisht që mund të ketë hakmarrje. Pse jo”, u shpreh Trump në konferencë shtypi.
Nju Delhi pritet që të marrë një vendim lehtësues ndaj ilaçit dhe eksportit drejt SHBA-së. 4,260 është numri i personave të infektuar me koronavirus në Indi, ndërsa viktimat janë 136. Ndërkohë shifrat janë ndryshe në SHBA, me 10,989 viktima dhe 368,376 persona të infektuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
