Mësuesit kërkojnë pagën e 13-të, peticion në Ministrinë e Arsimit: Duam dialog

Mësuesit kërkojnë pagën e 13-të, peticion në Ministrinë e Arsimit: Duam dialog

Sindikata e Bashkuar e Arsimit Shqiptar ka ndërmarrë një nismë, një peticion të firmosur nga mësues nga e gjithë Shqipëria përmes të cilës i kërkojnë Ministrisë së Arsimit rikthimin e pagës së 13-të dhe rritje graduale të pagave për arsimtarët. 

 

Kryetarja e Sindikatës së Bashkuar të Arsimit Shqiptar, Alma Lama tha për “MCN Live” se shpreson që kjo nismë të përfundojë me dialog.

 

Kryetarja e degës SBASH, Tiranë, Manushaqe Hoxha dhe ajo e rinisë në SBASH, Elmie Novi kërkojnë përmirësim të të drejtave dhe kushteve në punë dhe se kërkesa e tyre kryesore, është ajo ekonomike.

 

Lama

Ne i nisëm Ministrisë së Arsimit peticionin dhe nuk morëm përgjigje, u neglizhuam. A-ja e zgjidhjes së problemeve tona ekonomike është dialogu. Tani jemi në momentin që na janë bashkuar mbi 3 mijë guximtarët e parë në arsim. Ka drejtorë në sistemin tonë arsimor, që peticionin e mësuesve e ka futur në sirtarin e tij. 

 

Peticionin e kemi dorëzuar në të gjitha shkollat dhe kemi pasur problema nga disa drejtorë. Kryesisht në rrethe jemi hasur me më shumë probleme. Mësuesit e rinj nuk kanë besim te sindikatat dhe kjo e bën të vështirë dhe punën tonë. Ne jemi në dy procese gjyqësore dhe shpresojmë shumë që ku vendim sindikal që kemi nisur të shkojë në dialog. 

 

Ne përgjigjen e presim brenda dhjetë ditësh. Mësuesit duhet të jenë bashkë në sindikatë për mos të qenë bishta partish. Çfarë ka në kontratë duhet t’i marrë mësuesi, ndryshe pse e nënshkruajmë kontratën. 

 

Hoxha

Kërkesa për pagën e 13-të është tërësisht ekonomike dhe është kërkuar nga vetë mësuesit. Në mbledhjen e këshillit kombëtar ne kërkuam pagën e 13-të. E kishim të lehtë se vetë mësuesit na kërkonin pagën e 13-të. Ne e kemi fituar dhe nuk ka pse të na hiqet. 

 

Kjo u hoq në vitin 2006 me idenë që u dyfishua paga. Jemi në kohë dhe presim përgjigje nga ministria pikërisht për kërkesën e bërë. Presim përgjigje para miratimit të buxhetit. Nëse miratojnë buxhetin dhe nuk na përfillin, ne do ndërmarrim hapa të tjera.

 

Novi

Në shumë vende europiane ka pagë të 14-të dhe kushte shumë të mira pune. Në praktikë ne nuk i afrohemi nivelit të Bashkimit Europian. 

 

Paga e mësuesit ndahet në pagën e grupit, vjetërsinë në punë, kualifikimet dhe pozicionet dhe në varësi të saj del paga e mësuesit. Ne kërkojmë rritje graduale të pagës, pasi rritjet e çmimeve bëhet më me shpejtësi se sa rritja e pagës dhe nuk ka kompensim. 

MCN Radio logo
MCN Radio
103.1 FM
Drupal Ad
Drupal Ad
MCN Radio logo
MCN Radio
103.1 FM
Radio
Intro

MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.

Kategoritë
Streaming

MCN TV

MCN Radio

Contact

info@mcn.tv.al

+355 422 00200

All rights reserved. MCN 2025

Terms and ConditionsPrivacy Policy