Gjermania ka ndaluar veprimtarinë e grupit Hezbollah të mbështetur nga Irani në tokën e saj, duke e etiketuar atë si një organizatë terroriste.
Lajmi është publikuar të enjten nga Ministria e Brendshme e Gjermanisë, ndërsa u njoftua se forcat policore kryen kontrolle në disa zona në Gjermani me qëllim arrestimin e anëtarëve të dyshuar të grupit.
Autoritetet e sigurisë besojnë se deri në 1 mijë e 50 persona janë anëtarë të këtij grupi ekstremist dhe që jetojnë në Gjermani.
“Ministri i Brendshëm, Horst Seehofer ka ndaluar veprimtarinë e organizatës terroriste Shiite Hozbollah në Gjermani”, tha një zëdhënës.
"Edhe në kohë krize, sundimi i ligjit është i aftë të veprojë," shtoi ai.
Më parë, Gjermania ka bërë dallime mes krahut politik të Hezbollahut dhe njësive të saj ushtarake, të cilat kanë luftuar përkrah ushtrisë së Presidentit Bashar al-Asad në Siri.
Izraeli dhe Shtetet e Bashkuara kishin ushtruar presion ndaj Gjermanisë për të ndaluar veprimtarinë e organizatës në territorin e saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
