Qyteti turistik i Sarandës tashmë ka tashmë një pikë të grumbullimi të mbetjeve të riciklueshme.
Investimi, financim i qeverisë gjermane, pritet t’i jap një ndihmë të madhe menaxhimit të mbetjeve në këtë zonë turistike gjatë sezonit, ku fluksi i vizitorëve është tejet i madh, ka bërë të ditur Peter Zingraf, ambasador i Gjermanisë në Shqipëri.
“Ky vend i grumbullimit të materialeve të riciklueshme këtu do të conte në uljen e kostove. Mesa e njoh unë këtë vend dhe këtë rajon të mirë me potencialin e vet turistik e di shumë mirë që këtij rajoni në një periudhë të shkurtër kohore gjatë vitit i duhet të përballet me një turizëm të shtuar çka do të sillte dhe mbetje të shtuara, dhe ky stacioni këtu do ta përballojë menaxhimin e mbetjeve të shtuara.
Përveç uljes së kostos, sipas kryebashkiakut Adrian Gurma, kjo pikë grumbullimi do të rritë kapacitetet financiare pasi mbetjet e riciklueshme do të hidhen sërish në treg.
“Saranda në kulmin e sezonit turistik e katërfishion kapacitetin e saj për mbetjet. Kështu që ky projekt është qershia mbi tortë dhe një dhurat e duhur në kohën e duhur dhe vendin e duhur”.
Investimi kap një vlerë prej rreth 23 milionë lekësh dhe u finalizua në kuadër të projektit të GIZ.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
