Ministria e Shëndetësisë dhe Mirëqenies Sociale, informon se gjatë ditës së djeshme në Spitalin Universitar të Traumës kanë marrë shërbim mjekësor 31 të lënduar gjatë protestës.
Mes tyre 21 efektivë, 5 protestues, 4 kalimtarë dhe një përfaqësuese e medias.
Aktualisht në Spitalin e Traumës janë dy protestues që po plotësohen me ekzaminime dhe konsulta.
Nga data 13 tetor e në vijim, numri i personave të shtruar në spital dhe që vijojnë të marrin mjekim ka arritur në 14: 5 efektivë, 4 protestues, 4 kalimtarë dhe 1 përfaqësuese e medias. Gjendja e tyre shëndetësore është e mirë.
Në Qendrën Spitalore Universitare “Nënë Tereza” gjatë ditës së djeshme janë paraqitur 5 të lënduar dy efektivë policie dhe 3 protestues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
