Gjatë 24 orëve të fundit në Kosovë janë regjistruar 50 raste të reja me Covid-19, ndërsa pesë qytetarë kanë humbur jetën. Autoritetet kosovare deri tani kanë testuar 56 606 persona për Covid-19, ndërkaq 14 496 prej tyre kanë rezultuar të prekur.
Që nga fillimi i pandemisë dhe deri sot kanë humbur jetën për shkak të koronavirusit 586 pacientë. Instituti Kombëtar i Shëndetësisë Publike të Kosovës bën me dije se, listës së personave të shëruar i janë shtuar 117 pacientë, duke e çuar kështu numrin total të të shëruarve në 11 150.
Rastet pozitive në Kosovë:
Komuna Prishtinë 6 raste, komuna Gjilan 5 raste, komuna Fushë Kosovë 4 raste, komuna Kamenicë 4 raste, komuna Pejë 4 raste, komuna Prizren 4 raste, komuna Podujevë 3 raste, komuna Rahovec 3 raste, komuna Shtime 3 raste, komuna Vushtrri 3 raste, komuna Istog 2 raste, komuna Malishevë 2 raste, komuna Viti 2 raste dhe me nga një rast komunat Gjakovë, Kaçanik, Lipjan, Novobërdë dhe Skenderaj.
Ministri i Shëndetësisë së Kosovës, Armend Zemaj pas një takimi zyrtar që zhvilloi me homologun e tij në Maqedoninë e Veriut, u shpreh se situata e pandemisë paraqitet më e stabilizuar.
Bazuar tek prirja e rasteve epidemilogjike, Kosova dhe Maqedonia e Veriut kanë nisur diskutimet që javën e ardhshme të hapin kufijtë, me qëllim që qytetarët të lëvizin lirshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
