Organizata Botërore e Shëndetësisë është shprehur se pandemia e koronavirusit po ngadalësohet në botë.
Ky është konkluzioni i arritur nga OBSH, duke krahasuar të dhënat e rasteve të reja dhe vdekshmërisë javë pas jave.
Lajmi vjen pas muajsh të tërë debatesh në lidhje me pandeminë, për shkak edhe të mungesës së informacionit në lidhje me virusin e ri.
Sipas të dhënave, situata paraqitet më e përmirësuar në kontinentin amerikan. Shifrat tregojnë se nga 17-23 gushti janë regjistruar 1.7 milionë raste të reja dhe 39 mijë viktima ose e thënë ndryshe 5% më pak të infektuar dhe 12% më pak humbje jete, krahasuar me javën paraardhëse.
Ngadalësimi është duke u vënë re kudo përveçse në zonën e juglindjes së Azisë dhe pjesën e Mesdheut lindor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
