Brazili ka kaluar shifrën mbi një milion të prekur nga virusi Covid-19, duke u shndërruar në epiqendrën botërore të pandemisë, pas SHBA-ve.
Vendi regjistroi 1 mijë e 206 viktima brenda 24 orëve, duke e çuar numrin e përgjithshëm në 48 mijë e 954 viktima si pasojë e koronavirusit.
Specialistët e shëndetësisë mendojnë se në ditët në vijim vendi do të kalojë pragun e 50 mijë viktimave.
Referuar këtyre të dhënave, Brazili kap vendin e dytë në botë ku Covid-19 ka shkaktuar më shumë viktima dhe ka infektuar më shumë njerëz, rreth katër muaj pas shfaqjes së rastit të parë.
Vendi është i renditur deri më tani pas SHBA-së, e cila ka kaluar pragun e 2 milionë rasteve me koronavirus dhe ka regjistruar mbi 119 mijë të vdekur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
