7 Korriku shënon zyrtarisht Ditën Botërore të Çokollatës, një datë që festohet çdo vit që nga themelimi i saj në vitin 2009.
Kjo ditë nuk është thjesht një pretekst për të shijuar pa faj ëmbëlsirën tonë të preferuar, por një homazh ndaj historisë së saj të pasur që ka ndryshuar rrjedhën e kulinarisë botërore.
Sipas historianëve, data 7 korrik është zgjedhur për të kujtuar vitin 1550, kohë kur eksploruesit spanjollë sollën për herë të parë pemën e kakaos në Evropë.
Përpara se të pushtonte kontinentin tonë, kakao ishte një element i shenjtë për qytetërimet e lashta të Majave dhe Aztekëve në Amerikën Qendrore.
Aztekët e konsideronin atë si "ushqimin e perëndive".
Kokrrat e kakaos ishin aq të çmueshme sa përdoreshin si monedhë shkëmbimi.
Versione e parë konsumohej si një pije e hidhur dhe pikante e quajtur "Xocóatl".
Pasi mbërriti në Evropë, receta u transformua duke u përzier me sheqer dhe qumësht, duke u kthyer fillimisht në një luks për aristokracinë e më pas në një produkt masiv me krijimin e çokollatës së parë të ngurtë në shekullin XIX.
Sot, çokollata është një nga industritë më të mëdha ushqimore në botë.
Rreth 1 miliard njerëz konsumojnë çokollatë çdo ditë.
Zvicra mban vendin e parë në botë për konsumin më të lartë për frymë, ku një qytetar mesatar ha rreth 8.8 deri në 9 kg çokollatë në vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
