Meterologia Anira Gjoni tha në edicionin e lajmeve në MCN TV se pritet një rënie graduale e temperaturave gjatë fundjavës dhe fillimit të javës së ardhshme. Ajo bën me dije se piku është arritur më 2 korrik, ku temperatura maksimale në Shqipëri ka qenë 39 gradë. Megjithë rënien graduale të temperaturave korriku pritet të jetë një muaj i nxehtë.
“Na presin sërish ditë të nxehta edhe për këtë fundjavë, sërish temperatura të larta. Kulmi i kësaj vale të nxehtë u arrit në 2 korrik, ku temperaturat shkuan në 39 gradë. Të shtunë të diel presim që temperaturat maksimale të jenë 37, dhe më pas do kenë një rënie graduale, hëna 35, dhe e marta deri në 34 gradë. Korriku është muaji që merr vlerën më të lartë në temperaturën e ajrit, si në vlera absolute dhe mesatare, dhe i tillë presim të jetë ky korrik, një muaj i nxehtë dhe me mungesë reshjesh. Reshjet do jenë të pakta në sasi dhe lokale. Valë e të nxehtit që u përball vendi ynë gjatë këtyre ditëve, pikun e kishte të mërkurën. Gjatë ditëve në vazhdim do ketë rënie graduale”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
