Këshilli i Ministrave ka miratuar këtë të hënë shpërblimin financiar për 2,750 punonjës të policisë për angazhimin e tyre në garantimin e rendit publik ndaj protestuesve.
Sipas vendimit, do të akordohen 740 080 000 lekë fond që do të përballohet nga fondi rezervë i buxhetit të shtetit për vitin 2026.
Vendimi parashikon që Drejtoria e Përgjithshme e Policisë së Shtetit të përcaktojë listën e punonjësve përfitues, bazuar në dokumentacionin përkatës, si dhe të kryejë procedurat për dhënien e shpërblimit. Vendimi hyn në fuqi menjëherë dhe botohet në Fletoren Zyrtare.
Kujtojmë se lajmi për shpërblimin e punonjësve të policisë që janë prezent në protestat e këtyre ditëve, u njoftua nga vetë kryeministri Edi Rama këtë të hënë në një konferencë për shtyp me Policinë e Shtetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
