Kryeministri Edi Rama ka hyrë i heshtur në selinë rozë paraditen e sotme, për të pritur nga aty rezultatin e zgjedhjeve vendore.
Gazetarja e MCN Greta Bullari raporton zhvillimet nga selia rozë, e cila me rezultatet e deritanishme prin ndjeshëm ndaj opozitës.
Ndërkohë që nga dita e djeshme qëndron në godinën e Partisë Socialiste duke e gdhirë aty, kryebashkiaku i Tiranës Erion Veliaj, i cili kërkon mandatin e tretë për drejtimin e kryeqytetit.
Veliaj nuk është larguar gjatë gjithë natës, duke pritur hap pas hapi rezultatet zgjedhore.
Sakaq rreth orës 09.30 mbërriti në selinë rozë edhe kandidati për bashkinë Kolonjë Erion Isai, i cili pritet të jetë ndër të parët që do të shpallë fitoren në Partinë Socialiste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
