Kryetarja e Komisionit hetimor për inceneratorët, Jorida Tabaku foli sërish sot mbi aferën e inceneratorëve duke konsideruar një skemë piramidale që rrezikoi financat e shtetit.
Nënkryetarja e PD-së deklaron se janë krijuar kompani guaskë dhe kanë paguar veten duke krijuar kështu një monopol.
Kjo është një skemë piramidale për të mbuluar ku shkojnë paratë. Kjo skemë piramidale pastrimi parash është duke marrë mbrojtje politike. Çfarë kemi prodhuar me dëshmitarë në grupin e administratorëve. Ky grup prej 10 personash kanë marrë përsipër, kanë krijuar kompani njëra pas tjetrës dhe kanë marrë përsipër që të marrin këtë koncesion 430 milion euro. Çfarë i ka penguar që të konkurronin me emrat e vërtetë të kompanisë. Kjo tregon që është krijuar një monopol. Kush ishte ministri i Ekonomisë, çfarë bëri sekretari i përgjithshëm që kishim një monopol 430 milion euro. A e dini që Edi Rama ka frikë t’i firmos vendimet i firmos gjithmonë zv.kryeministri. Por dhe nëse s’ka përgjegjësi ligjore, a mban ai përgjegjësi morale. Ka dalë në mbrojtje publike të këtyre kriminelëve në kërkim. Mban përgjegjësi Erion Veliaj për këtë”, tha Tabaku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
