Kallëzimi i Bashës në SPAK nga Kalaja, Kthupi: Gjëja më e mirë, të hetohet në themel gjithçka

Avokati Rezart Kthupi, kallëzimin e bërë në Prokurorinë e Posaçme nga Adriana Kalaja ndaj Lulzim Bashës, e shikon si gjënë më të mirë të mundshme.

Ai tha për MCN Live se gjithçka ka të bëjë me çështje të cilat janë hetuar.

Është gjëja më e mirë e mundshme që SPAK të hetojë në themel gjithçka.

Nuk ka asnjë lloj shqetësimi, është e vetmja mënyrë për të qartësuar një herë e mirë nëse ka çështje penale.

Zonja Kalaja nuk mendoj se u zgjua një ditë të bukur që Lulzim Basha i ka bërë këto dosjet që nga 2005.

Zonja Kalaja është një personazh në strukturën e Rithemelimit.

Struktura e Rithemelimit deklaron se SPAK, është një organizatë që kontrollohet drejtpërdrejtë nga Rama.

Zonja Kalaja po çon një dosje në SPAK, që ky SPAK i kontrolluar nga Rama të hetojë Lulzim Bashën.