Kryetari i Rithemelimit në Partinë Demokratike, Sali Berisha, në një takim me Kryesinë në Gjirokastër deklaroi se mosbindja civile është një kthesë e madhe.
Ai shtoi se nëse përpara PD në situata të tilla bojkotonte parlamentin, kësaj here ajo vendosi të mos e bojkotojë dhe të mos e lëshojë parlamentin.
Sipas tij, kjo mosbindje civile në parlament ka patur efekt të jashtëzakonshëm në arenën ndërkombëtare.
Është fituar në opinionin publik botëror një betejë jashtëzakonisht e rëndësishme. Mbarë bota e ka përcjellë së pari, si refuzim të Edi Ramës për tu kontrolluar.
Por kjo kudo, për çdo njeri që ka abc e demokracisë dhe pluralizmit është e qartë se kjo është mohim i të drejtave themelore, kushtetuese të vendit. Është grusht shteti.
Nëse sovraniteti i jashtëm ka të bëjë me mbrojtjen e territorit të tij dhe vendimet e pavarura në raport me arenën ndërkombëtare, sovraniteti i brendshëm nuk është asgjë tjetër veç se e drejta e qytetarëve për të kontrolluar qeverinë e tyre. Ky është ligji.
Mbi këtë bazë krijohen komisione në mënyrë të pandërprerë, të vazhdueshme. Thirren në komisione presidentë, familjarëve të presidentëve, ministra e me radhë.
Ky e bllokoi këtë në mënyrë kategorike, 8 komisione për të mos u hetuar vetë. Kjo betejë është frymëzuese për PD.
Ajo mosbindje civile solli një sensibilizim të opinionit botëror ndër më të mëdhatë në memorien time 32 vjeçare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
