Kryetari i Partisë Lëvizja e Re Arian Galdini foli në emisionin “Zonë e Lirë” për një projekt neoshqiptarizmi si shërim të shoqërisë, ku sipas tij duhet të “pikëtakohet tradita me modernitetin”.
“Neoshqiptarizmi është shërimi, te kthimi te tradita, por jo si konservatorizëm, ku ne mbetemi te e shkuara, por pikëtakojmë traditën me modernitetin”, tha Galdini.
“Unë e shoh politikën si prindërim dhe kombëtarizim. Duhet të bësh diçka që u vlen të tjerëve, ndoshta jo bashkëkohësve të tu. Në kohët e sotme mund të ndodhë të jesh i papëlqyer, i harruar, por ajo që mbetet është një ide e madhe që ndriçon ata që do të vijnë”, u shpreh ndër të tjera ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
