Ministri në Detyrë për Evropën dhe Punët e Jashtme, Gent Cakaj, zhvilloi sot një bisedë telefonike me Ministrin e Shtetit për Punët e Jashtme të Mbretërisë së Arabisë Saudite, Adel bin Ahmed Al-Jubeir.
Gjatë bisedës, Cakaj dhe Al-Jubeir vlerësuan nevojën për të punuar bashkërisht, edhe më intensivisht në nxitjen e investimeve dhe të disa projekteve konkrete në fushën e infrastrukturës dhe ekonomisë.
“Po ashtu, nënvizuam rëndësinë që të vazhdojmë punën e mirë në një varg organizatash ndërkombëtare”, u shpreh Cakaj, në një reagim në Facebook, lidhur me telefonatën.
Gjithashtu, Cakaj vlerësoi mbështetjen e Mbretërisë së Arabisë Saudite, për synimin e Shqipërisë për të marrë ulësen e anëtarit jo të përhershëm në Këshillin e Sigurimit, për vitin 2022-2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
