Analisti Plator Nesturi deklaroi në MCN Live se zgjedhjet e 14 majit, më shumë se janë fituar nga PS, janë humbur rëndshëm nga opozita.
Nesturi thotë se opozita është dërrmuar totalisht dhe e ka abandonuar elektorati.
Për mua kjo është një humbje vërtet e turpshme, madje më e turpshme se sa humbja kur nuk morën fare në zgjedhje. Nuk i shikoj këto zgjedhje që i ka fituar PS, por që i ka humbur rendshëm PD. Ky ekspansion elektoral, duke hyrë në zona që duhet t’i merrnin këta të opozitës, tregon që ka dobësi opozita. Kanë humbur kontaktin me elektoratin e tyre. Më vjen keq për disa kandidatura që kanë qenë të mira nga opozita, përfshi z.Cara, që kanë humbur se nuk kanë pasur mbështetjen e duhur. Sigla që ata kanë përfaqësuar ishte kaq e rrënuar....Më tepër se fitore e socialistëve është një dërrmim total i opozitës. E ka abandonuar elektorati i vet. Nuk ka një rritje të votave të PS, por përqindjet që dalin, kur dalin 60-70 për qind, është sepse nga pjesa tjetër nuk kanë dalë të votojnë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
