Analisti Elton Metaj tha në studion e MCN Live se mosqenia në mbledhjen e djeshme në mbledhjen e Këshillit Bashkiak mund t’i shërbejë Veliajt, në procesin në Gjykatën Kushtetuese, por nuk ka ndonjë vlerë të madhe politike.
Sipas Metaj, Rama e bëri me dije 2 javë më parë qëndrimin për shkarkimin e Veliajt, kështu që mënyra si kanë vepruar 30 këshilltarë nuk ka ndonjë vlerë specifike.
Nuk duam ta fryjmë faktin e mospranisë së tij ditën e djeshme në Këshillin Bashkiak dhe të themi meqenëse nuk ishte prezent aty nuk ka mundësi të reagojë dhe të flasë. Pamundësia e tij për të qenë aty ndoshta mund t’i shërbejë atij teknikisht më shumë teknikisht në një proces të mundshëm në GJK. Nuk ka vlerë politike. Vlerë politike ka fakti që PS nëpërmjet kryetarit të saj e ka shpallur prej 2 javësh qëndrimin për të shkarkuar Veliajn. Çfarë bëjnë 30 këshilltarë është pa ndonjë vlerë specifike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
